Wednesday, 1 August 2018

TEKNOLOJIA YA NHBRA YAZIDI KUJULIKANA

Washiriki wa semina ya ''Adequate Housing'' kutoka Uganda, Kenya, Mozambique, Zambia na wenyeji wao Tanzania walipata nafasi ya kutembelea Wakala wa Taifa wa Nyumba Bora na Vifaa vya Ujenzi ili kuweza kujionea shughuli mbalimbali za Wakala.








                           












Monday, 30 July 2018

WAFANYAKAZI WA NHBRA WAONGEZEWA UWEZO

NHBRA ilipata nafasi ya kuhudhuria semina ya Uhamasishaji kwa watumishi ili kusaidia katika kuongeza ufanisi katika majukumu ya kila siku wawapo kazini. Mada mbalimbali zilitolewa mfano namna ya Utendaji kazi Serikalini, maadili katika Utumishi wa Umma n.k. Semina hiyo ilifanyika katika ukumbi wa UDBS-UDSM.
Semina hiyo ilihudhuriwa na watoa mada kutoka Utumishi ya Umma pamoja na Wizara ya Ardhi Nyumba na Maendeleo ya Makazi.

HABARI PICHA

Kaimu Mkurugenzi Mkuu wa NHBRA akitoa hotuba ya ufunguzi kwenye semina ya uhamasishaji kwa watumishi wa Wakala kwenye ukumbi wa UDBS-UDSM


Kaimu Meneja wa Biashara na Utawala wa NHBRA Bi. Hadija Maloya akitoa ufafanuzi juu ya huduma zitolewazo katika kitengo cha Biashara




Tuesday, 3 July 2018

TUPO SABASABA

Tunautangazia Umma kwamba Nhbra Tanzania inashiriki Maonyesho ya 42 ya Kitaifa ya Biashara-Sabasaba. Tembelea Banda letu lililopo katika hema la Katavi Banda namba 11-13 ili upate kufahamu na kujionea tafiti zetu kama mashine za matofali ya kufungamana, nyumba ndogo ya mfano iliyojengwa kwa tofali za kufungamana na kuezekwa kwa kutumia vigae vya gharama nafuu, pamoja na teknolojia yetu mpya ya fremu za milango za zege pamoja na sakafu ya dari "waffles"... KARIBUNI SANAAAAAAA tuko hapa mpaka tarehe 13/7/2018.

Moja wapo ya teknolojia mpya za ujenzi tulizoenda nazo sabasaba ni ujenzi kwa kutumia ''waffles'' kama ilivyo kwenye picha upande wa kushoto ni mwonekano wa waffles ikiwa tayari imejengwa kwa mfano wa ujenzi wa nyumba ya ghorofa. karibuni sabasaba mje mpate maelezo ya kina juu ya teknolojia hii.

Mwonekano wa banda letu sabasaba

Baadhi ya washiriki kutoka NHBRA wakiwa tayari kutoa maelezo ya kina kuhusu teknolojia ya gharama nafuu

Mgeni aliyetutembelea akipata maelezo kuhusu teknolojia yetu mpya ya kujenga nyumba ya ghorofa kwa kutumia ''waffles''

Mgeni alietutembelea akiangalia kwa umakini teknolojia yetu mpya ya ujenzi wa nyumba ya ghorofa kwa kutumia waffles


Wananchi wakipata maelezo juu ya utengenezaji wa tofali za kufungamana
Karibuni sanaaaaa......








Friday, 11 May 2018

HATUA ZA UTENGENEZAJI WA VIGAE MKONGE

Mojawapo ya tafiti za NHBRA ni utengenezaji wa Kigae mkonge, ambacho mpaka sasa tumefanikiwa kupata wateja wengi ambao wamenunua vigae kwa ajili ya kupaulia nyumba zao.
Vile vile ni fursa kwa ajili ya Watanzania kufanya ujasiriamali kwa kupitia utengenezaji huu wa kigae mkonge. Wateja wengi ikiwamo vikundi mbalimbali kama Taasisi zisizo za Serikali, wamefika ofisini kwetu na kununua mashine ya kutengeneza vigae mkonge na walipatiwa mafunzo ya kina ya namna ya kutengeneza vigae hivyo. 

Wanakikundi cha Hyperactive Solution Center wakipatiwa mafunzo ya namna ya kutengeneza kigae mkonge

Zifuatazo ni hatua katika utengenezaji wa Vigae Mkonge:
  • Changanya saruji na mchanga
  • Weka rangi (optional)
  • Weka nyuzi za mkonge kwa kiasi kinachohitajika
  • Ongeza maji katika mchanganyiko mkavu
  • Weka karatasi ya nailoni juu ya mashine na kukandamiza na fremu ya chuma
  • Jaza mchanganyiko ndani ya fremu ya chuma


  • Tetemesha mchanganyiko ulioko ndani ya fremu
  • Ondoa karatasi lenye mchanganyiko na kuweka juu ya kalibu iliyoandaliwa


  • Acha kigae juu ya kalibu si chini ya saa 12 baada ya hapo vigae lazima vizamishwe kwenye maji si chini ya siku 21 kwa ajili ya kuvikomaza.

Vigae mkonge vikiwa tayari vimekomaa baada ya kutolewa kwenye kisima cha maji
Mfano wa nyumba zilizoezekwa wa kigae mkonge

Mikocheni-Dar es Salaam


Faida za Vigae Mkonge
  • Vifaa vitumikavyo kutengenezea vigae hupatikana nchini
  • Utengenezaji ni rahisi hata kwa mtu asiyekuwa fundi
  • Hupendezesha jengo na kulifanya kuwa na thamani ya juu kwa gharama nafuu
  • Hupozesha joto/baridi na kelele za mvua
  • Vina uzito mdogo
  • Gharama nafuu
  • Hudumu kwa muda mrefu


Kwa mawasiliano zaidi, usisite kututafuta kwa namba ifuatayo;

0679972715

au

Barua pepe: dawatilamsaada@nhbra.go.tz



au

Fika ofisini kwetu Mwenge tunapakana na kituo cha mafuta cha Oilcom



Wednesday, 2 May 2018

Sehemu 2: Ukarabati wa Shule za Tabora Girls na Tabora Boys

Sehemu 1: UKARABATI WA SHULE YA SEKONDARI TABORA BOYS NA TABORA GIRLS

MAADHIMISHO YA SIKUKUU YA WAFANYAKAZI

Maadhimisho ya Sikukuu ya Wafanyakazi Duniani hufanyika kila mwaka tarehe moja ya mwezi wa tano (mei mosi). Mwaka huu kwa Taifa la Tanzania maadhimisho hayo yalifanyika katika Mkoa wa Iringa ambapo mgeni rasmi alikuwa ni Rais wa Jamhuri ya Muungano wa Tanzania Mheshimiwa Dkt. John Pombe Magufuli.

Mkoa wa Dar es Salaam nao haukua nyuma katika kuadhimisha siku hiyo muhimu kwa Wafanyakazi, ambayo ilifanyika katika uwanja wa Taifa. NHBRA ilipata nafasi ya kuhudhuria maadhimisho hayo ikiwa na kauli mbiu ya ''maendeleo ya viwanda yawe chachu katika kuongeza tafiti za ujenzi wa nyumba bora za gharama nafuu''.

Wafanyakazi wa NHBRA wakiwa katika maandamano ya kuadhimisha Siku ya Wafanyakazi Duniani